Sunday, February 14, 2016

Prapë për pizzat

Nuk e di ju, por unë jam gjithmonë në kërkim të një vendi për një pizza të mirë. Në shkrimin tim këtu, kam identifikuar dy vende që ende më pëlqejnë dhe janë më afër pizzave italiane por prapë mendoj që duhet të ketë më shumë opsione.
Për t’ju kthyer Pizza-ve, pashë në Facebook përpara disa ditësh këtë foto dhe në tekst ishte shkruar Pizza Napoletane e bla bla bla…. Që për dikë që ka provuar të dy llojet (Romanen dhe Napoletanen) dhe që preferon atë Napoletane ky ishte një lajm shumë i mirë.



Kështu shkova ta provoja me shpresën që do të gjeja vendin tim të ri të preferuar dhe gjatë gjithë kohës isha e bindur që pizza që do të vinte do ishte napoletane me 'cornicione', që do të thotë me atë brumin e ngritur rreth e përqark ashtu siç e kisha parë edhe në foto. Por jo, erdhi një petë e njëtrajtshme dhe e sheshtë, që pizzat e lagjes konkurrojnë më denjësisht. Pastaj nuk po i hy detajeve të përbërësve se sigurisht nuk kishte mozzarella (në mos kishte ndonjë nga ato versionet e lira pa shije).

Pasi u përfshiva në një debat të gjatë me kamarieren e cila më shpjegoi se si duhet ta kisha kuptuar atë çka ata kishin dashur të thoshin në Facebook, kërkova për atë që NUK ishte e shënuar në menu, por që e kisha parë në FB. 

Tani për të mos e zgjatur shumë, sa gabime mund të bësh njëherësh:
  • Marketimi i produkteve: Poston dhe komunikon jo qartë në FB  – sepse ajo që doli ishte një pizza me ‘cornicione’ por të mbushur, një sajesë që unë personalisht nuk e quaj pizza ose e quaj pizza me pite 2 në 1.
  • Transparenca e Menusë:  Nuk vendos të gjitha alternativat që ofrohet në menu – nëse pizza ka varietete nuk pritet që të marr informacion nga FB kur jam aktualisht duke ngrënë në restorantin tënd
  • Komunikimi me klientin: Që nuk jetojmë në atë vend ku ‘klienti ka të drejtë’, këtë besoj e kemi provuar të gjithë në kurriz, por seriozisht pas gjithë këtyre viteve dhe midis gjithë streseve të tjera ende duhet të bësh debat me personelin me ‘më the – të thashë’ për një shërbim që po e paguan?

SOUR!